For ein fantastisk dag!

Då var den store dagen vår over. Tusen tusen takk til alle dere som kom og ville dele dagen med oss, me setter ubeskrivelig stor pris på at dere ville det, og at dere var med og gjorde dagen vår så fin!

Me sitter igjen med mange, mange gode minner! Me slappa av og nøyt heile dagen og alt som skjedde. Den var heilt perfekt: akkurat passe høgtidleg og akkurat passe avslappa!

Det var heilt fantastisk å kunne gå opp midtgangen i kyrkja til veslebror Sveinungs vakre gitarspilling og Gunhilds nydelege fiolinspilling. Og alt det andre som skjedde i vigsla var heilt perfekt! Etter vigsla skulle me fotografere, og me hadde bekymra oss litt for at det skulle regne denne timen - men eg trur eg fekk slik ca to eller tre dråpar i sløret, ellers holdt det seg heilt til me var godt uti middagen. Veslesyster Synne tok mange fine bilete av oss og me fekk tatt mange av dei heime på garden eg har vokst opp på. Gjennom heile middagen og resten av kvelden hadde Marte, kusina til Jørgen, full kontroll som toastmaster (toastmadam!) - ho gjorde ein fantastisk jobb! Foreldra våre m.fl hadde gjort ein formidabel jobb med koldtbordet - me fekk masse skryt for maten! Og innimellom turene bort til koldtbordet for å forsyne seg med meir mat, fekk me høyre mange fine taler. På kjøknet stod fem venner av mine foreldre og hadde stålkontroll på både koldtbord, kakebord og alt anna - fantastisk godt å ikkje bekymre seg det minste for noko verdens ting. Bryllaupskaka blei levert like før den skulle spises - den var heilt fantastisk både for øya og for munnen! Utover dagen og kvelden fekk me snakka litt med dei fleste gjestene, sjølv om me sjølvsagt gjerne skulle snakka masse meir med alle sammen. Me var igjen i lokalet til siste gjest hadde reist, blåste ut stearinlysa før pappaen min slukka og låste. Og sidan vigsla var allerede kl 12, var me på plass på hotellrommet før midnatt. Og med det var ein fantastisk og perfekt dag over.

Legger ved ein del skrytebilder :)  Alle bildene er det veslesyster Synne Hansen Seltveit som har tatt.

 Buketten ankom midt i sminkinga - den var kjempefin!

Eit stort øyeblikk!

 Christen, ein kamerat av oss, var prest og via oss

 

 

 Våre herlege forlovarar! Brynjard, Silje og Synne :)

Rauland kyrkje i bakgrunnen

Fotografering heime på Rofshus, garden eg har vokst opp på

Me tok oss også ein tur ned på jordet for å få med utsikten

Litt fjaseri må til ;)

 Og til slutt eit bilde av den nydelege bryllupskaka som Ruth baka!

Kaketoppen er det Brage og Trym som har valgt ut :)

Ei veke igjen!

I dag er det altså berre ei veke igjen til dagen vår!

Jørgen fekk besøk av nokon trivlege karar på døra i dag - ein kan vel ikkje sei at Jørgen blei direkte overraska over at det var i dag forlovar Brynjard skulle ta han med for eit utdrikningslag, men kosleg blir det nok! No har det jo vore sol og varmt i to månader i strekk, så i dag passa det seg med øs pøs regnvêr syns visst dei såkalla vêrgudane!

Vêret er det ikkje stort å gjere med, men eg innrømmer gjerne at eg dagleg sjekkar korleis Yr og Storm spår det å bli på Rauland neste helg. Me har vel eigentleg ønska oss opphold, helst sol og mellom 15 og 20 grader, men me har eit selskapslokale det ikkje er noko problem å skulle få plass til alle inne dersom regnet skulle finne på å øse ned heile dagen. Yr og Storm er ikkje heilt einige, men akkurat i dag velger me å tru på Yr:

Program for dagen

Det er fleire som har spurt oss om korleis programmet for dagen blir. Og her kjem svaret:

Klokka 12.00 er det vigsel i Rauland kyrkje.
Etter vigsla vil det vere åpent på samfunnshuset på Rauland, så dei som ikkje har annan stad å vere i mellomtida kan reise dit. Me ynskjer at folk parkerer inne på skuleplassen: Køyr frå Rauland kyrkje til sentrum, ta til høgre mot Åmot og deretter første avkøyrsel til venstre. Køyr då forbi heile den store parkeringsplassen, opp og inn på skuleplassen. Inngangen til samfunnshuset vil du då raskt finne.
Det vil bli servert velkomstdrink kl 14.00 og middag kl 15.00.

Me gledar oss masse til å dele dagen med dere 81 herlige gjester som har sagt at dere kjem!

Miniferie i Danmark

Det er under fem veker igjen til dagen vår, og slikt er stas! :)

I helga har me vore i Danmark på ein aldri så liten miniferie! Tok ferja til Hirtshals, køyrde to km og vips var me framme der me skulle vere i helga. Har vore på eit feriesenter, gjort masse alle dagene, og reiste fornøgde og småslitne heim igjen i går.

 Utsikten frå balkongen i leiligheten vår

Hirtshals fyr

Me hadde fine dagar i Danmark med Brage, Trym, farmor og farfar. Og no er det tilbake til hverdagen med jobb og dagar heime for Brage og Trym. På onsdag skal dei vere med i brudesalongen når eg skal prøve kjolen etter omsying - gledar meg masse til å prøve den igjen! :)

Om to veker går eg ut i ferie og om tre veker går Jørgen ut i ferie. Me ser fram til å ha nokre heilt rolege dagar og ikkje minst til bryllaupet som er om 33 dagar :)

Mykje å glede seg til!

No har det bikka under to månader igjen til bryllaupet!

Og ikkje nok med det - me har også kjøpt oss hus!! :)  Verdens finaste forøvrig, og me gledar oss masse til å overta 1.oktober!

Dette medfører jo då at me også skal få solgt leiligheten me bur i no, og me har fått hivd både oss og meglaren rundt, så me skal prøve å klare å få til visning før fellesferien - og det ser det ut for at me skal klare. No er masse pakka vekk i kasser og satt ut i bua, imorgo kjem takstmann og forhåpentlegvis kjem fotograf til veka for å få tatt bilder til annonsa. Me veit at markedet i Skien og Melum ikkje er heilt på topp for tida, men me håpar sjølvsagt på å få solgt så fort som råd - kanskje før me overtar det nye huset til og med...!

No har me svevd på ei sky av lykke i ei veke, så me legger sjølvsagt ved nokre bilder av det me er så glade for å ha fått kjøpt!

Inngangspartiet, gårdsplassen og garasjen

Delar av stoga, kjøknet er på andre sida av glassdørene

 Inngangspartiet

Litt av hagen. Verandaen oppe i 2.etg er frå soverommet vårt, den i 1.etg går ut frå stoga.

Vårt soverom

Kjøknet - og eg som har sagt til Jørgen heilt sidan me blei sammen at eg har ønska meg peis på kjøknet ein gang me flytter, og til høgre i bildet ser du den!! :D

Jepp, me er altså i litt lykkerus for tida. Men samtidig som det er nok å sette fingra i i forbindelse med huskjøp og ikkje minst hussalg, så har me nok å gjere på bryllaupsfronten for tida også!

I dag har me omsider fått bestilt servietter. Dessutan har me bestilt bordkort frå kortshop.no, dei me bestilte invitasjonane hos. Så no trur me at det meste av ting og tang er kjøpt inn - no gjenstår "berre" drikke og mat - så er me klare for fest om 58 dagar! :)

Bryllupsreise :)

Då er bookinga av bryllupsreisa bekrefta, og me gledar oss til ei lita veke på... *trommevirvel* FJORDGLIMT! :)

Me hadde ei kjempefin veke der på ei lita hytte i fjor sommar, og gledar oss til å få nokre rolege dagar der etter bryllaupet uti august!


- - - Rettelse: Det blei ingenting av turen til Fjordglimt som me hadde planlagt, av den enkle grunn at elevane på Skien kommunes barneskular begynner første skuledag etter ferie allereie 14.august..! Så bryllaupsreisa får vente på seg, og i staden for tek me nok ein tur eller to på vatnet med "Akkurat passe" (båten vår...) dei to dagane den veka som gutta er på skulen! - - -

Rauland kyrkje

Om 3 månader og nokre få dagar, når klokka bikkar 12.00 på dagen, går eg opp midtgangen i denne kyrkja, og i løpet av null komma svisj (ja, midtgangen er veldig kort..!) kjem eg opp til han som gjer livet mitt så fint. Og i løpet av den nærmaste vesle timen har me tenkt å gje kvarandre våre ja - ja, eg gledar meg :)

Rauland kyrkje er ei korskyrkje som er bygd i 1803. Den er ikkje superstor, men rommer alle gjestane til bryllaupet i alle fall :)

Dagane går fort for tida, syns ikkje det var lenge sidan det var både fire, fem og seks månader igjen. No bikker det øyeblikkleg tre månader - og då nærmar deg seg jo veldig..! Me gledar oss masse og syns det er veldig stas kvar gong nokon gir oss beskjed om at dei kjem til Rauland 9.august :)

101 dagar att!

Ja, eg har ein sånn fancy nedtellings-app på telefonen min, og i dag viser den 101 dagar att til Jørgen og Siri skal bli herr og fru :)

Ting går sakte, men sikkert framover når det gjelder prosjekt bryllaup!

I helga prøvde gutta dresser, så me fekk kjøpt både bukse, skjorte, vest og dressjakke til begge to - dei blei så stilige! :)

Eg var i dag innom brudekjolebutikken og fekk prøvd kjolen igjen - den er litt for stor, også skal den blant anna sys om frå glidelås til snøring, så då fekk dei satt inn nokon nåler her og der. Gøy å prøve kjolen igjen, og innrømmer gjerne at eg gledar meg til å ha skulle ha den på meg ein heil dag :)

Jørgen tek seg av å kjøpe dress sjølv, så det legger eg meg ikkje opp i. Eg bare veit at han ikkje stressar nevneverdig med det enda - det er jo laaang tid igjen til det ;)


Og for dei som skulle vere i tvil: Det er ikkje berre bryllup det går i på Eikhaug 9. Eg prøver for eksempel å følge opp desse for å unngå at dei tørker vekk:

Siri

Våre forlovarar

Jørgens forlovar

Det er Brynjard som skal vere Jørgens forlovar. Brynjard og Jørgen har kjent kvarandre sidan dei var tre år gamle - med andre ord lengre enn bruden har levd...!

Brynjard er forlova med Vigdis, pappa til Alma og Håkon og er ivrig fluefisker og snart leder i lokalutvalget Ytre Gjerpen :)

Jørgen og Brynjard har, som du kan sjå, hatt ei stor interesse for blomster - under er dei avbilda med verdens største løvetann (ikkje hestehov, som Varden kaller det...!)

I dag har interessen gått meir over til fisketurar og friluftsliv.

Brynjard (til venstre) og Jørgen på første skuledag i 1.klasse på Bratsbergkleiva skole:

Slik ser dei ut i den litt eldre utgaven:

Siris forlovarar

Siri har spurt sine to systre Silje og Synne om dei kan tenke seg å vere forlovarar - og jammen sa dei ja begge to! :)

Søstrene sisters starta sin bryllupskarriere som brudepiker i 1993, og som du ser likte Synne dette kjempegodt ;)

Tre jenter født på under fem år (puh, all ære til mamma og pappa...!)

Storesyster Silje, mellomsyster Siri og veslesyster Synne

Siljes brylluap i 2003

I dag bur Silje i Ålesund med mann og to skjønne gutar, medan Synne held seg i Oslo med ca tusen ballar i lufta samtidig til ein kvar tid.

Og slik ca slik ser me ut i dag:

Stor takk til Brynjard, Silje og Synne for at dere har sagt ja til å vere forlovarane våre! Me gledar oss masse til 9.august og setter stor pris på at me får dele den saman med blant anna dere :)

Invitasjonane våre

Då er dei aller fleste invitasjonane enten sendt i posten eller køyrd ut til familie og venner!
Slik blei framsida på invitasjonane til slutt - enkle, også syns me at dei passer til oss :)

Invitasjonar i boks!

Inni denne fine innpakka boksen frå Kortshop ligg invitasjonane som skal sendast ut rundt påsketider. Me er veldig fornøgde med dei og gledar oss til å sende dei ut! Og me kan på det varmaste anbefale Kortshop til andre som skal ha invitasjonar, takkekort, jolekort, bordkort, osv... Dei er raske og dei gjer ting ordentleg. Og ikkje minst pakkar dei inn det dei lagar veldig fint - prikken over i'en :)